أسامة حسن يثير الجدل: 70% من العاملين داخل الزمالك "أهلاوية"

أطلق أسامة حسن، نجم نادي الزمالك السابق، تصريحات مثيرة للجدل، أكد خلالها أن أغلب اللاعبين والمسؤولين والمدربين داخل النادي ينتمون للنادي الأهلي بنسبة تصل إلى 70%، مشيرًا إلى أن مجلس الإدارة الحالي من بينهم، وجاء — على حد وصفه — لـ"تصفية الحسابات".

وقال أسامة حسن في تصريحات إذاعية: "من سنة 1989 لحد 2025، نادي الزمالك مليان أهلاوية، سواء لاعيبة أو مدربين أو مسؤولين أو حتى عمال، والله العظيم. في الأهلي فيه 20% زمالكاوية بس، وبيشتغلوا في صمت، إنما في الزمالك 70% أهلاوية ووشهم مكشوف".

وأضاف نجم الزمالك السابق: "مجلس إدارة الزمالك الحالي أغلبه أهلاوي، ولو الكابتن محمود الخطيب بنفسه هو اللي كان ماسك الزمالك، ما كانش هيعمل كده، لأن اللي بيحصل في النادي حاليًا تصفية حسابات مش أكتر، وملوش علاقة بكرة القدم".

واختتم أسامة حسن تصريحاته قائلاً: "لو الكابتن محمود الخطيب مسك الزمالك، هينجح وياخد دوري وكأس ويحقق بطولات، لأن عنده فكر وتنظيم، وأنا بقولها تاني: 70% من اللي في الزمالك أهلاوية".